Կարեկցանքը, գթասրտությունը` ուրիշի ցավը կիսելը և նրա հետ այն ապրելը` զուտ մարդկային հատկանիշ է, բայց հարկ է որ այն չվերածվի սթրեսի, վախի և դառնա խուճապ, այլ պետք է, որ այն դրսևորենք արդարացված կերպերով` լինի պիտանի: Ողջունելի է այն որ վերջին տարիներում այս կամ այն դժբախտության մեջ հայտնվածին ձեռք մեկնելու ցանկություն են հայտնում և հանդես են գալիս բազմապիսի նախաձեռնություններով հայ պատանիները և երիտասարդները` այդ գործին ծառայեցնելով նաև «նորին մեծություն» համացանցը: Դժվար է առօրյա հոգսերից, հաճույքներից և թոհուբոհից կտրվելով ինչ-որ լավ միջոցառման մասնակցելը, սակայն շատ ավելի դժվար է միջոցառում ձեռնարկելն ու իրականացնելը: Եկեք միասին մեր լուման ներդնենք, և քաջալերենք հայ երիտասարդներին, որպեսզի նրանց աշխատանքները հաջողությամբ պսակվեն:
Մեր ֆեյսբուքյան ընկերներից Valentina Nana Petrosyan-ը գրում է`, - «Հարգելի ընկերներ, սույն թվականի մայիսի 31-ին ժամը 14.00-ին, Երևանի Պետական Համալսարանի մշակույթի կենտրոնի դահլիճում (կենտրոնական մասնաշենք 6-րդ հարկ), տեղի կունենա բարեգործական համերգ` հնգամյա Լիլիթ Պետրոսյանի բուժման նպատակներով:
2012թ.-ի սեպտեմբերին Լիլիթի մոտ հայտնաբերվել է երիկամի չարորակ ուռուցք: Նրան վիրահատել են Ֆրանսիայում, և Աստծո կամոք վիրահատությունն անցել է բարեհաջող: Այժմ Լիլիթը բուժվում է Ֆրանսիայի Լիլլ քաղաքի հիվանդանոցներից մեկում: Բուժումը տևելու է ամենաքիչը 1 տարի, որի համար կպահանջվի ավելի քան 45.000 եվրո:
Այս պատճառով, մենք` Երևանի կոմիտասի անվան պետական կոնսերվատորիայի մի խումբ ուսանողներ ու շրջանավարտներ, ձեռնարկել ենք համերգների շարք, որի ընթացքում տեղի կունենա դրամահավաք, և ողջ հասույթը կփոխանցվի Լիլիթի ծնողներին: Ձեր` յուրաքանչյուրիդ կողմից ներդրած լուման, կարող է մեծ օգնություն լինել Լիլիթի ընտանիքին` փոքրիկի բուժման համար»:
Ինձ հետ զրույցում Valentina-ն ով նախաձեռնության հեղինակներից մեկն է` հայտնեց, որ սպասվելիք համերգի կազմակերպիչն էլ հենց նա է:
Ըտս նրա` նախապատրաստական աշխատանքերը արդեն ավարտված են` միջոցառման ընթացքում կհնչի դասական և ջազ երաժշտություն. Ակնկալում ենք Ձեր ներկայությունը համերգին, աջակցությունն ու օգնությունը: Կանխավ շնորհակալություն: Եվ խնդրում եմ, այս մասին տեղեկացրեք նաև Ձեր ընկերներին և ծանոթներին:
|