ԳԻՐՔ ԿԱՐԴՈՒՄ ԵՆ ՆԱԵՎ ԱՅՍՕՐ
Այսօր` հունվարի 22-ին «Զանգակ» գրատանը տեղի ունեցավ պատմաբան Արտակ Մովսիսյանի հեղինակային «10 հայ ականավոր արքաներ» գրքի շնորհանդեսը, որի ընթացքի հետ միաժամանակ «Զանգակ»-ի ֆեյսբուքյան ակցիայի մասնակից այն օգտատերերը, ովքեր իրենց ֆեյսբուքյան էջերում գրքի համար 150-ից ավելի հավանումեր էին ստացել` ստացան իրենց նվերները:
Հեղինակը ներկաներին ներկայացրեց իր գիրքը, պատասխանեց ընթերցողներին հուզող հարցերին, անդրադարձավ դեռևս իր հրապարակմանը սպասող «10 ականավոր հայ թագուհիներ» գրքին, որից հետո իինքագրեր բաժանեց և լուսնակարվեց գիրքը նվեր ստացած երիտասարդների հետ:
Ի դեպ` «10 հայ ականավոր արքաներ»-ը գիրք նվիրելու օրվա առիթով «Զանգակ» հրատարակչության կողմից ֆեյսբուքյան ակցիայի շրջանակներում ներկայացվող շուրջ 10 գրքերից մեն է, որը սակայն հասարակության մոտ առաջացրել է բավականին մեծ հետաքրքրություն:
Շուտով կանդրադառնամ նաև ակցիային մասնակից 10 գրքերի առաջացրած հետաքրքրությունների ռեյթինգային աղյուսակներին:
|