 ԴՈՒ ԿԱՐՈՂ ԷՍ…
Փարաքարի Սբ Հարություն եկեղեցու Երիտասարդաց միությունը և Մայր Աթոռ Սբ Էջմիածնի Մանանա ծրագիրը հանդես են գալիս համատեղ նախաձեռնությամբ: Փարաքարի Սբ Հարություն եկեղեցին Ֆեյսբուք սոցցանցում հաղորդագրություն է տարածել, որում ասվում է`, - «Ամանօրի նախաշեմին և դրանից հետ միության անդամ երիտասարդները՝ հոգևորականի առաջնորդությամբ կայցելեն Սբ Հարություն եկեղեցու ծխական համայքից ներս գտնվող գյուղերի՝ Փարաքար, Թաիրով, Այգեկ, Բաղրամյան, Նորակերտ, Մուսալեռ, անապահով ընտանիքներին:
Միությունը կոչ է անում նաև քեզ ու քո ընկերներին, ՄԱՍՆԱԿՑԻ՛Ր բարեգործական նախաձեռնությանը, ՕԳՆԻ՛Ր եղբորդ, ՄԻ՛ ԼԻՆԻՐ ԱՆՏԱՐԲԵՐ: Հիշենք մեր Տիրոջ պատվիրանը և արժանանանք այդ երանությանը»
«Երանի՜ ողորմածներին, որովհետև նրանք ողորմություն պիտի գտնեն» (Մտթ 5:7)
«Օգնությունդ կարող է լինել ցանկացած տեսքով՝ գումար, շոր, խաղալիք, սնունդ, պարզապես այց և ամենակարևորը՝ աղոթք», - նշվում է Փարաքար Սբ Հարություն եկեղեցու հաղորդագրության ավարտին:
|
