Ցանցահենները գաղտնի մնալու համար խուսափել են իրենց սերվերներից ու կայքերից նկարներ եւ տեքստեր հղղելուց, փոխարենը օգտագործելով «չեզոք» կողմի մի ռուսալեզու կայք: Նրանք նաեւ խուսափել են «երկար կոդեր» կիրառելուց եւ ավելի բարդ ծրագրավորման եղանակներից, որի փոխարեն նրանք նախորոք պատրաստել են սեւ ֆոն ունեցող երկու մեծ նկարներ, որոնց վրա տեղադրված են փոքր չափսի նկարները, լոգոները եւ գրությունները: Արդյունքում` երկու մեծ նկարով նրանք փոխարինել են մի քանի նկարների կոդերի տեղադրումը, տեքստերի տեղադրումը եւ ձեւավորումը: Երկու նկարները նախապես ներբեռնվել են «ռուսական» կայք որտեղից էլ հետագայում հղղվել են araratian-tem.am: Խնայվել է շատ թանկարժեք ժամանակը, երկար ու բարդ կոդերի փոխարեն էլ կիրառել են երկու կարճը:
Շատ կարճ ժամանակահատվածում նրանց հաջողվել է տիրանալ կայքին, սակայն լիովին անհայտ մնալ նրանց չի հաջողվել, քանի որ նրանց տեղադրածի մեջ կաին նաեւ բազմաթիվ տեսաֆիլմեր «Յութուբ»-ից, որտեղից արդեն երեւում է թէ ովքեր են նրանց համակիրները, նրանց կայքերը, էլ. Հասցեները…
Կայքի զավթումից ընդամենը մի քանի ժամ հետո հայկական կողմին հաջողվեց վերանվաճել այն: Սկսվեցին վերականգնողական աշխատանքները: Տվյալ պահին արդեն կայքը լիովին վերականգնված է:
Հետագայում նման միջադեպերից խուսափելու համար հայալեզու կայքեր եւ .am տիրույթում գործող կայքեր ունեցողներին խորհուրդ ենք տալիս բարձրացնել կայքերի անվտանգությունը, կիրառել ավելի բարդ login-ներ եւ գաղտնաբառեր, իսկ տեխնիկական հարցերի համար նախատեսված էլ. հասցեները չկիրառել այլ նպատակներով եւ չփոխանցել ուրիշների:
ՀԳ Ադրբեջանական հաքերները օր ու գիշեր որոնում եւ ստուգում են մեր կայքերի ամրությունը հույսով, որ ավելի «անտեր» ու թույլ պաշտպանված կայք կգտնեն:
ՍՏՈՒԳԵՔ ՁԵՐ ԿԱՅՔԵՐԻ ԱՆՎՏԱՆԳՈՒԹՅԱՆ ՀԱՄԱԿԱՐԳԵՐԸ` ՔԱՆԻ ԴԵՌ ԴԱ ՉԵՆ ՀԱՍՑՐԵԼ ԱԴՐԲԵՋԱՆՑԻՆԵԸ 
