Գլխավոր էջ » 2012 » ՍԵՊՏԵՄԲԵՐ » 21 » ՀԱՅԿԱԿԱՆ ՎԱԿՈՒՈՒՄԱՅԻՆ ԶԵՆՔԸ ՎՏԱՆԳԱՎՈՐ Է ՄԻՋՈՒԿԱՅԻՆԻ ՊԵՍ, ԲԱՅՑ ՀԱՄԱՐՎՈՒՄ Է ԿԻՐԱՌԵԼԻ. ԳԱՂՏՆԱԶԵՐԾՈՒՄՆԵՐ
19.58.49
ՀԱՅԿԱԿԱՆ ՎԱԿՈՒՈՒՄԱՅԻՆ ԶԵՆՔԸ ՎՏԱՆԳԱՎՈՐ Է ՄԻՋՈՒԿԱՅԻՆԻ ՊԵՍ, ԲԱՅՑ ՀԱՄԱՐՎՈՒՄ Է ԿԻՐԱՌԵԼԻ. ԳԱՂՏՆԱԶԵՐԾՈՒՄՆԵՐ
ՆՈՐ ԲԱՑԱՀԱՅՏՈՒՄՆԵՐ ՀԱՅԿԱԿԱՆ ԶԵՆՔԻ ՄԱՍԻՆ
Հայաստանում Վերջին շքերթի ընթացքում բանակը ցուցադրեց հայրենական արտադրության TB-1 ռեակտիվ արկերը և իրենց համար նախատեսված N-2 Համազարկային կրակի համակարգը:
Այսօր lratvakan.am-կայքը հայկական ռազմաարդյունաբերության նորույթի հզորությունը բացահայտող նյութ է հրապարակել, որում ասվում է`, - «նրա պայթյունը 90 մետր շառավղով փոխում է լանդշաֆտը, հարթեցնում բլուրներն ու ձորակները, անգամ ամենաամուր ու խորը ստորգետնյա օբեյկտները վերածում երկաթբետոնե շիլայի: Պայթյունից մինչև 150 մերտ հեռավորության վրա գտնվող տանկերն ուղղակի հալվում են իսկ 300 մերտ շառավղի վրա գտնվող վերգետնյա բոլոր կառուցները հավասարեցվում են հողին, հողն էլ վերածվում է միատար մոխրագույն փոշու՝ շատ նման Լուսնի մակերեսին: Հակառակորդի զինվորները ուղակի գոլորշիանում են:
Ի տարբերություն միջուկային զենքի այս զենքը ավելի քան կիրառելի է, որովհետև ռադիոցիոն որևէ վտանգ չի ներկայացնում: Խոսքը վակուումային ռումբերի մասին է: Մի զինատեսակ, որը մեր երկրին օդ ու ջրի պես պետք է, ու որը ստեղծելու ճանապարհով, ըստ ռազմական փորձագետ Դավիթ Ջամալյանի մեր երկիրը կարծես թե արդեն շարժվում է:
TB-1 հապավումը նշանակում է առաջին սերնդի տերմոբարիկ մարտագլխիկ: «Տերմոբարիկ» բառը «վակուումային» բառի հոմանիշն է: Այս զինատեսակը, իհարկե, սկզբում նկարագրված մեծ ռումբը չէ ու այլ նպատակների համար է նախատեսված: Բայց վակուումային պայթյունի տեխնոլոգիային մեր երկիրը, փաստորեն, արդեն տիրապետում է: Նույն շքերթի ժամանակ զինվորականները ցուցադրեցին P17 (Scud) հրթիռները, որոնք 300 կիլոմետր հեռավորության վրա կհասցնեն առնվազն 600 կիլոգրամանոց մարտագլխիկ, որը կարող է նաև վակուումային լինել: Հայաստանը տիրապետում է վակուումային պայթյունի տեխնոլոգիային և ունի հրթիռներ մեծ ռումբը տեղ հասցնելու համար»: